Phlean Réigiúnach um Acmhainní Uisce - An tOirthear agus an Lár Tíre

Mar gheall ar fhorbairt an dréachtphlean PRAU-OLT, beidh Uisce Éireann in ann den chéad uair riamh athbhreithniú a dhéanamh ar riachtanais soláthair uisce go ginearálta do Réigiún an Oirthir agus Lár Tíre ina iomláine agus ó thaobh gach cineáil riosca de, lena n-áirítear cáilíocht, cainníocht, iontaofacht agus inbhuanaitheacht. Cuirtear ar ár gcumas roghanna áitiúla a bhreithniú chun dul i ngleic leis na riachtanais sin agus ar Roghanna Réigiúnacha níos mó lena mbeifear in ann dul i ngleic le riachtanais thar sholáthairtí iomadúla.

Mar chuid den PRAU-OLT déanfaidh Uisce Éireann athbhreithniú ar riachtanais thar 134 soláthar uisce agus déanfaidh sé roghanna a shainaithint chun dul i ngleic leis na riachtanais sin. Cuirtear an plean ar ár gcumas roghanna áitiúla a bhreithniú chun dul i ngleic le riachtanais laistigh de sholáthairtí aonair agus roghanna réigiúnacha lena mbeifear in ann dul i ngleic le riachtanais thar sholáthairtí iomadúla.

Mar thoradh ar an gcomhairliúchán poiblí maidir le Céim 2 den Dréacht PRAU-OLT agus na tuarascálacha timpeallachta lena mbaineann, cuireadh na haighneachtaí agus na tuairimí a fuarthas ón gcomhairliúchán poiblí san áireamh, agus rinneadh uasdátú ar an PRAU-OLT. 

Tá an PRAU-OLT glactha anois, agus tá Ráiteas maidir le Measúnacht Straitéiseach Timpeallachta agus Cinneadh maidir le Measúnacht Chuí ag gabháil leis. Foilsíodh Tuarascáil um Chomhairliúchán ina ndéantar achoimre ar an aiseolas a fuarthas ón gcomhairliúchán poiblí chomh maith.

Áirítear na nithe a leanas le toradh an PRAU-OLT:

• An líon Criosanna Acmhainní Uisce i Réigiún an Oirthir agus an Láir Tíre a laghdú ó 134 cinn go 89 cinn.
• Criosanna Acmhainní Uisce idirnasctha móra a fhorbairt do na limistéir uirbeacha sa réigiún.
• Uasghrádú a dhéanamh ar 130 ionad cóireála uisce atá ann cheana, ó thaobh méide agus feidhmiú bacainne de.
• Ceithre ionad cóireála uisce nua a fhorbairt.
• 70 ionad cóireála uisce a dhíchoimisiúnú.
• 55 soláthar a idirnascadh trí 969 ciliméadar de mhór-phríomhphíobáin a thógáil.

Ligean a laghdú ón mbonnlíne sa bhliain 2019, arbh í 38% den éileamh réigiúnach í, go 22% den éileamh réigiúnach. B'ionann é sin agus laghdú 45% sa ligean idir an bhliain 2019 agus an bhliain 2034. Cuirfear é sin i gcrích trí bhainistíocht brú, rialú gníomhach sceite, aimsigh is deisigh, agus athsholáthar sócmhainní.

Áirítear na nithe seo leis na torthaí agus na tairbhí a bhaineann leis an gCur Chuige Roghnaithe Réigiúnach sin:

Feidhmíocht fheabhsaithe ar fud na soláthairtí uisce uile ó thaobh cáilíochta agus cainníochta de.
Claochlú straitéiseach ón soláthar ilroinnte atá ann cheana chuig soláthar idirnasctha atá níos athléimní agus níos inbhuanaithe.

Chun an dréachtphlean PRAU-OLT a sholáthar, rinneamar an réigiún a fhoroinnt ina aonaid bheaga chun go bhféadfaimis bainistiú a dhéanamh ar an bpróiseas um réitigh fhéideartha soláthair uisce (roghanna) a shainaithint agus ár gCineálacha Cur Chuige Roghnaithe a roghnú chun easnaimh inár soláthar uisce agus i gcáilíocht an uisce a réiteach. Tugtar Limistéir Staidéir ar na haonaid bheaga sin.

Soláthraítear Tuarascáil Theicniúil mhionsonraithe do gach Limistéar Staidéir ina gcuirtear síos ar na cineálacha réitigh ar leibhéal an Limistéir Staidéir agus ina soláthraítear achoimre ar an bpróiseas mionsonraithe um Roghanna agus Cineálacha Cur Chuige a Fhorbairt agus na torthaí a thagann astu le haghaidh gach Limistéir Staidéir.

Soláthraítear tuarascálacha teicniúla na Limistéar Staidéir mar aguisíní a ghabhann leis an dréachtphlean PRAU-OLT.  

Tá Réigiún an Oirthir agus an Láir Tíre comhdhéanta de naoi Limistéar Staidéir, mar a thaispeántar san íomhá thíos.